Renault Group – ը ֆրանսիական խոշոր ավտոարտադրող է, որի գլխամասը գտնվում է Փարիզի մերձակայքում գտնվող Բուլոն-Բիլանկուր քաղաքում: Ընկերությունը հիմնադրել են երեք եղբայրներ՝ Լուի, Մարսել և Ֆերնան Ռենոները։ Այն իսկզբանե անվանել էին «Renault-Frères»։
Ընկերության առաջին լոգոտիպը ներկայացվել էր 1900 թ․-ին։ Այն իրենից ներկայացնում էր հիմնադիր եղբայրներ Լուի, Մարսել և Ֆերնան Ռենոների անունների գլխատառերը։ Սակայն այս լոգոն կիրառում էին միայն փաստաթղթերի վրա, իսկ մեքենաների վրա պարզապես գրվում էր «Renault-Frères» կամ LR (Louis Renault)։
1906-ին Ռենոյի ընկերության լոգոն փոխվեց: Շրջանակի մեջ պատկերված էր Ֆրանսիայի առաջին Grand Prix հաղթած Ռենո մեքենան։ Առաջին համաշխարհայինի ավարտից հետո Ռենո ընկերությունն իր լոգոյին պատկերեց FT-117 տանկը:
1923-ին Ռենոն առաջին անգամ տեղադրում է իր լոգոն մեքենայի վրա։ Լոգոյին ազդանշանային շչակ էր պատկերված, որը հորիզոնական բաժանվում էր Renault գրվածքով։
1925-ին ծնվեց Ռենոյի հայտնի ալմաստը։ Այս շրջանից սկսած բոլոր լոգոները, անկախ փոփոխությունների, ունեին ալմաստի տեսք։ 1946-ին Ռենոյի լոգոն առաջին անգամ գունավորվեց։ Այդ պահից դեղինը ալմաստի հետ միասին դարձավ Ռենոյի խորհրդանիշ։
1970-ականներից Ռենոյի նոր լոգոյի դիզայնը վստահվեց Վիկտոր Վազարելիին։ Վիզարելիի ադամանդը դարձավ ավելի հստակ գծերով և արտահայտիչ, այս կերպ ադամանդի ուժն ավելի ընդգծվեց։ Հետագայում ադամանդը բաժանվեց հորիզանական գծերի։ Հետագա բոլոր փոփոխությունները պահպանեցին Վիզարելիի ադամանդի տեսքը։
Վերջերս Ռենոն ներկայացրեց իր նոր լոգոն և հայտարարեց, որ մինչև 2024թ․ ընկերության բոլոր մեքենաները կլինեն նոր լոգոյով։
